Kruëng Darôi
Geukarang Lé: Thayeb Loh Angen
Penyair dari Sumatra
Kruëng Darôi geukuëh di Banda Acèh
ië jeureunèh ban sibuju nanggroë
Sultan Alauddin bi peurintah
bak utôh meugah nibak Istanbul
Kruëng Darôi jinoë mantöng na rakan
ië kruëng nyan geup’uëp nibak mata ië
ië nyan geutarék ngön meusén raya
ban sigom Banda ngui ië Kruëng Darôi
Kruëng Darôi awai jithèë that meugah
ië jih jeureunéh seumeulhôh asoë
meunyoë na nyang peugah ië kruëng ubat
alèh meurampot ngön beunöt paya
Kruëng Darôi nyan waréh nibak sultan
jinoë rakan jeuët teumpat meudiwana
kruëng nyan kadang jeuët teumpat seumeurhah
jampang peuniyôh aneuk miët manoë
’Oh musém ujeuën ië kruëng nyan cikoë
brôh putôh sahoë keudéh u la-ôt
bah pi meunan nyan kruëng ata nanggroë
kruëng nyan na po nanggroë pih na so mat.
Banda Acèh, Aleuhad, 4 Februari 2024 / 23 Rajab 1445 H
Thayeb Loh Angen.
