BANDA ACÈH – Suasana akrab ngon kompak antara peujabat deuh takalon bak acara peujamèe pajoh bu malam keu geusambôt Ketua MPR RI Ahmad Muzani ngon Jaksa Agung Muda Pengawasan (JAM WAS) Dr. Rudi Margono, S.H., M.Hum di Banda Acèh, Rabu malam 15 Oktober 2025.
Nibak kesempatan nyan, Waki Bupati Acèh Timu, T. Zainal Abidin, S.Pd.I., M.H., deuh geupeugah peugah haba ngon peunoh keu-akraban ngon Kapolda Acèh Irjen Pol. Drs. Marzuki Ali Basyah, M.M.
Momen meusapat dua tokoh nyoë jeuët keu daya tarék ureuëng ramè nyang geu undang. Ngon senyum meusahabat ngon isyarat saléng hormat, ban dua geupeudeuh hubôngan nyang rakan ngon harmonis antara peumerintah daèrah ngon keupolisian. Deuh krab nyan kön keu geupeudeuh komunikasi nyang jroh, tapi meunan keuh sinergi nyang sapue pakat nibak geujaga keuamanan ngon pembangunan keusejahteraan masyarakat Acèh.
Waki Bupati T. Zainal Abidin geupeugah bahwa hubôngan nyang jroh antara pemerintah daèrah ngon pihak keupolisian nakeuh saboh pondasi nyang peunténg that kiban cara beuteuka saboh situasi nyang kondusif ngon stabil.
“Kamoe bit-bit meuboh yum buet-buet nyang jroh nibak jajaran Polda Acèh bak geupeularha keutertiban ngon keamanan mandum wilayah. Sinergi nyoë akan terus tapeukong demi kemajuan ngon kesejahteraan masyarakat Acèh,” kheun T. Zainal Abidin ngon peunoh seumangat.
Sementara nyan, Kapolda Acèh Irjen Pol. Marzuki Ali Basyah deuh takalon geunikmati suasana santai nyang meusaneut nyan. Gobnyan geupeuteugaih peunténg that tajaga koordinasi ngon takolaborasi antara kepolisian ngon pemerintah daèrah mangat tiep-tiep program peumbangunan geupeujak buet beulancar ngon situasi kamtibmas teutap teujaga ngon jroh.
Sira geumeureumpok ngon jamèe-jamèe laén lam acara malam nyan, Kapolda Acèh geupeugah, Wabup Acèh Timu nakeuh sidroe sosok nyang meu-energi, sidroe tokoh muda keu masa ukeuë Acèh khusus jih Acèh Timu, peulom lam padum tréb nyoë Kabupaten Acèh Timu teungoh viral-viral jih bhah buet peulayanan keu masyarakat.
“T. Zainal nakeuh Tokoh muda nyang sopan santun ngon meu-energi, tanyoe yakin ukeuë kolaborasi antara Al-Farlaky ngon T. Zainal akan geuba perubahan nyang jroh di Acèh Timu,” kheun Kapolda Acèh.
Acara malam nyan lam suasana akrab, geuselingi ngon meucanda-canda nyang jroh antara peujabat daèrah ngon jamèe kehormatan. Momen nyan jeuët keu bukeuti nyata bahwa sinergi antara instansi di Acèh ka teujalin ngon jroh, geupeudeuh seumangat keubersamaan nibak geupeubeudoh Acèh nyang aman, damè, ngon meumartabat.[]
Laporan: Maimunzir
Basa Acèh: M. Iqbal Hafidh
Èditor: Thayeb Lôh Angèn.