..sambungan
(Bhah 10 Peukara Maksiet Hate dan 10 Peukara Taat Hate)
Peurintah ta’at deungon maksiet ulon bayan
Khatimah nyoe na saboh keusudahan
Lam Arba’in meunan neukheunle Ghazali
Maksiet baten na 10 peue beuta turi
Seukali kali bek jibri rab ubak tuboeh
Wajeb ateueh dum mukallaf ji peujeuoh
Geumar akan membanyak makanan lazat
Peurtama phon syarah Tha’am nyakni sangat
Donya akhirat tan faidah nyan nyang meugriet
Nyang keu 2 syarah Kalam le that narit
Keu 4 Hasad deungki sahbat hate gata
Keu 3 Ghadhab nyakni marah peurangoe gata
Nyangka Neubri dum keu hambale Hadlarat
Nyakni banci hate gata keu niekmat
Keu 6 gaseh keu meugahan dalam donya
Keu 5 kriet seurta gaseh keu areuta
Nyan keupala keujahatan kheun Muhammad
Nyang keu 7 gaseh keu donya beuta ingat
Ateueh makhluk Tuhan Asa dum barangsoe
Nyang keu 8 Teukabo gata peurayek droe
Sang tan laen lagee gata dalam nanggroe
Sikureueng ‘Ujob nyakni hireuen gata keudroe
Kon tapeubuet simata mata kareuna Allah
Siploh Riya peubuet ‘amai tan ikhlas
Supaya jeuet ngon sabab nyan geupeu muliya
Bak makheuluk ta peuleumah ‘amal gata
Wajeb taboih ban 10 nyan dum beuhabeh
Nyankeu 10 maksiet baten peurangoe khabes
Hate gata bak maksiet nyan ta peusuci
Wajeb Taubat bak maksiet nyan dum he akhi
Nyakni sifeuet peurangoe gata keu pujian
Ta’at Baten na 10 peue ngo lon bayan
Beuta pasoe dum sifeuet nyan dalam hate
Wajeb ngon nyan ta meusifeuet dum teusare
Cut ngon rayek lahe baten beurang kajan
Peurtama Taubat nibak deesya seukalian
Tinggai maksiet sekalian nyang pertama
Ngon 3 syarat sah tataubat kheun ulama
Keu 3 cita han riwangle silama umu
Nyang keu 2 meunnyeusai that buet nyang lalu
Hate gundah seuntok sabe ro ie mata
Kheun Istighfar deungon lidah jeuep kutika
Lakee meu’ah meunyo han ek tabayeue yum
Peue na hak gob ateueh gata pulang bandum
Jinoe bak soj lon peuriwang peurkataan
Bah sidumnan peurintah Taubat wahe taulan
Peubuet suroh ngon peujeuoh larang dumna
Keu 2 Khauf nyakni takot keu Rabbana
Keu 4 saba ateueh hukom Tuhan sidroe
Keu 3 Zahed banci hate keu dunia nyoe
Peujeuoh maksiet beuthat nafsu ji galak that
Peubuet ta’at lahe baten beuthat beubrat
Harap pahla nibak Tuhan Po Nyang Asa
Nibak bala seukalian beuta saba
Milek Allah Po Nyang Asa digata tan
Limong Syuko pandang niekmat seukalian
Nyang ta peubuet simata mata kareuna Tuhan
Nam Ikhlas nibak ‘amal seukalian
Ban nyang kheundak geutanyoe hamba Neu peurintah
Tujoh Tawakkal tapeu srah droe ubak Allah
‘Alamat Mahabbah gaseh Rasul Panghulee kita
Lapan Mahabbah beuta gaseh Tuhan Asa
Lahe baten ban Syari’at hana ubah
Gaseh keu Rasul peubuet suroh peujeuoh teugah
Ta peugah gaseh amar-nah’i ta peubuet tan
Meungtan meunan sulet gata wahe taulan
Tan ‘Iktiradh keu buettan Po seukalian
Sikureueng Ridha hate gata Qadla Tuhan
Sukreuet maw’ot adeup kubu beuta pike
Nyang keu 10 beuta ingat nyang keu mate
Seukalian beuta ingat bekna khali
Bahya kiyamat nyang Neu peugah uleh Nabi
Deungon tunjok seurta tulong Rabbul ‘Izzat
Alhamdulillah ka samporeuna nyang lon kasad
Bahrul rijaz hafai mangat keunong ragam
Ta’at hate maksiet hate lon Peunadham
Keu Muhammad Pujanjongan wareh sajan
Rahmat saleuem deungon beureukat seukalian
Keunan rahmat bekna putoih Neu karonya
Lom keu sahbat ngon nyang ikot bak Agama
Neu peuampon he Tuhanku nyang that ghani
Deesya Fakir ngon beureukat Nadham ini
Iman teutap dalam dada hingga page
Neubri Taubat nyang nashuha yoh goh mate
Ngon syafa’at Muhammad nyang akher zaman
Kalimah Thaiyibah Neubri sudah peurkataan
Thon siribee lhee reutoh peuet ploh (1340 H) beuta pham
Bak 20 Rabiul Awal tamat Nadham
Deungon taufiek Tuhan Asa Po Hadlarat
Gampong Keudah Kuta Raja nama teumpat
Wal hamdu lillahi Rabbil ‘Alamin.[]
