‘Ohban neucok neu peurateb – kajideb deb bungong geutoe
Lailaha illallah – Muhammad Syah nyankeu Nabi
Nyankeu aneuk nyang seumah Tuhan – jibeuet Quru’an seureuta qari
Tamat Quru’an jibeuet Nah’u – jak bak Teungku hantom khali
Lheueh nyan Minhoj teuma Iqnak – lom jisimak kitab Bakeury
‘Oh tamat nyan teuma Tuhfah – teuma ‘Aqidah Iman seuntausi
Lheueh nyan Ihya teuma Tasawoh – beuet bak sunggoh Hadih Bukhari
Lailaha illallah – Muhammad afdlalun Nabi
Nyankeu aneuk umu panyang – jeuep sawang geuintat raseuki
Lom ngon lisek akai sahda – lom ji publa gob mupake
Soe meudawa dum jihukom – gob bandum han jithok hate
Ji hukom gob ban nyang ‘ileumei – han meusilee ban buet Nabi
Lailaha illallah – Muhammad Khataman Nabi
Nyankeu aneuk nyang saleh that – dum ji peubeuet ‘ileumei Nabi
Areuta ji le lom that murah – ji seumah Allah hantom khali
Lom ngon hate hantom susah – ji hadap Allah peutang pagi
Lom ngon teuga hantom saket – beureukat Sayed Ibnu Jauzi.[]
CATATAN: Betapa besarnya kasih sayang orangtua – khususnya Ibu kepada seorang anak; amat tergambar dalam Nazam Teungku Di Cucum ini. Semoga cuplikan kitab beliau menjadi bahan“renungan” bagi kita semua. Bagi yang masih dapat hidup bersama orangtua/Ibu, berbahagialah Anda karena masih ada kesempatan berbakti secara langsung di dunia kepada kedua beliau. Bagi yang sudah “ditinggalkan” kedua beliau agar selalu ‘mengirim’ do’a. Selamat menjalani ibadah Puasa. Salam hormat dari penyalin!
Penyalin: T.A. Sakti
