JAKARTA – Kabupaten Aceh Timu ka geutumee keuluayi saboh ase buet nyang meusigak lagoina lam bideueng budaya-reusam. Dua boh peuneugot budaya-reusam asai daerah nyoe ka geupeuthee seubagoe Warisan Budaya Takbenda (WBTb) Indonesia thon 2025, yakni Rapa’i Bandar Khalifah ngon Khanduri Jrat.
Dua peuneugot budaya-reusam nyang meuasai nibak Kabupaten pante Timur Aceh nyoe, ka roh lam nan 17 peuneugot budaya-reusam nibak Aceh nyang geupeuthee le Kementerian Kebudayaan RI ngat geupeusaheh seubagoe WBTb thon nyoe.
Ulee Dinas Pendidikan dan Kebudayaan Aceh Timur, Bustami, S.Pd, M.Si geupeugah bahwa Rapa’i Bandar Khalifah jitamong lam bideueng seuni peudiyeueng, teuman Khanduri Jrat roh lam bideueng adat istiadat, ritus, perayaan, ngon rungka ekonomi budaya-reusam.
“Seugolom nyoe, Aceh Timu ka na meupadum boh wareh budaya nyang geupeusaheh seubagoe WBTb, nyakni Pisang Sale (2022), Muniren Reje (2023), dan Kenduri Uten (2023). Thon nyoe geutanyoe tamah 2 (dua ) teuk, bandum nyan sampoe at jinoe ka na 5 ( limong) peuneugot budaya-reusam asai Aceh Timu nyang geupeusaheh sebagoe WBTb Indonesia,” geupeugah le Bustami ngon me um meusigak, Aleuhad, 12 Oktober 2025 / 20 Rabiul Akhe 1447 H.
Bustami geupeuteuntee, bak geutumee nyan WBTb kon buet mangat. Reueh bak beu geupileh nyan sebagoe WBTb pueh that, keubit-bit geupuliek syarat masyeurut, nibak tingkat kabupaten sampoe an provinsi, lom pih peureuelee peusiap data keubit buet ngon seunurat dali budaya-reusam nyang sep.
“Bah pih meutheuen bacut bak beulanja, kafilah geutanyoe teutap jeuet geuilah daya geupubuet ebe na kuasa ngon seumangat meubura bak geujaga maruwah budaya daerah. Alhamdulillah, ka meuase ka jeut keu me um lom keu Aceh Timu,” geutamah le Bustami.
Bak teumpat ngon watee laen, Bupati Aceh Timu, Iskandar Usman Al-Farlaky, S.H.I., M.Si., geubri seumangat jroh nyang lambong keu meuase buet nyan.
“Ulon tuwan peusampoe haba seulamat ngon terirmong gaseh ukeue babandum pihak nyang ka roh lam peuseulamat ngon peuteuntee dua peuneugot budaya nyoe. Nyoe kon keu hai meurumpok peuneuyum sagai, tapi keu hai geutanyoe peukong keulayi droe keu droeteuh ngon uboe budaya Aceh Timu,” geupeugah le Bupati Al-Farlaky.
Bupati geupeuteuntee, peuseulamat budaya daerah mustahak beusabe-sabe jeuet keu beunagi atot peuneugot meusyara meuadat rakyat Aceh Timu.
”Seunaheh nasional keu peuneugot budaya daerah nakeuh dali bahwa Aceh Timu na boyinah budaya nyang udep ngon ka meuukheue lam rakyat geutanyoe,” geupeugah le Bupatai Al-Farlaky.[]
Laporan: Maimunzir
Basa Acèh/Èditor: Thayeb Lôh Angèn.
