ACÈH TIMU – Waki Bupati (Wabup) Aceh Timu T. Zainal Abidin, S.Pd.I.,M.H, lagèe na deuh droegeuh ateuh sikeuep nyang jroh raya keu rakyat lam hai peupuléh daèrah nyang keunöng banjé raya, 26 November 2025.
Gob nyan langsông geutren u teumpat njang sôsah trôh ureueng jak ba beunantu, tapi droneuh nyan neuilah daya u gampông Jambô Labu nyan troh neuteuka neujak mè beunantu keu warga nyang keunöng banjé raya ka deungön tanoh crah rô meuhambô.
U Gampông Jambô Labu, Keucamatan Birem Bayeun njang na di peudalaman Aceh Timu nyan, trôh langkah neuh keunan nibak uroe Seulanyan, 8 Desember 2025.
Jalan njang meu arah u gampông nyan meuleumpah that na sôsah bak geumeulayeue, Waki Bupati T. Zainal Abidin meusaré ngön rombongan nibak watèe nyan rap kureueng leubèh dua jeuem masa ureueng nyan beurangkat dari Kota Langsa barô trôh keunan u teumpat nyan.
Gunong-gunong, bukét-bukét, jalan njang meutikôngan patah-patah, meuleumpah that na sôsah, nyan keuh seubab nyang meu ateueng raya untuk trôk jeuet jak ba beunantu keunan, soe sibeurangkasoe meuleumpah that na sôsah untuk trôk keunan beuthat pih warga inan susah jeuet trôk keunan.
Geusyik nyang ban teupiléh, Juliadi, geupeutrang nakeuh, banjé raya kadeungen tanoh crah ro meuhambô bak 26 November 2025 ka meusebab keu jalan penghubông gampông antara gampong Kebun Ireng, Kota Langsa kadeungen gampông Jambô Labu putôh total.
Meusabab nyan keuh warga inan meusampe putôh bahan peunajôh, putôh beurita, rap hana lé cara bak peutheuen udép meusampé deungön uroe Bapak Waki Bupati ngön rombongan geuh trôk keunan u teumpat nyan neujak ba beunantu.
“Nakeuh ubé na warga saban saré geumeu ilah daya peuglëh jalan gampông, meusampé suwah koh kayèe peuget keu jalan. Meuplôh krèk kayèe, meusampé bak bhan honda suwah bôh ranté meuhan han leupah ba saho nyan honda nyan,” meunan pak Geusyik peugah.
Sampé ‘an beurita nyoe teuka ukeue ureueng droneuh ban mandum, lampu di Gampong Jambô Labu galom sit hu ka itameng uro keu 13, meunan sit ngen jaringan internet putôh total.
Meusebab daripada nyan masyarakat suwah mita teumpat nyang manyang, lagèe aki gunong ka deungön suwah ék ateueh cöt mangat merumpök sinyal ngat jeuet peugöt hubungan u luwa gampông.
Di sinan Wabup T. Zainal Abidin geujôk keuh bantuan ukeue warga nyang keunöng musibah, mulai dari keubutuhan pokok, alat peulengkap lam darurat meuhingga deungön ubé na seumangat geupeusemangat ureueng nyang ka abëh ancô reumök.
Gob nyan neupeutrang lom nakeuh peumerintah nyoe beurangkajan masa akan trôh, akan na ukeue rakyat dalam hai meujak intat ubé na bantuan beuthat pih raueh jak keunan mantöng reulöh lagèena.
Meunurôt laporan èh uroe wabup trôk keunan, nyan nyang ka geuterimöng le po Peumerintahan Aceh Timu nyan, nakeuh meusabab dari banjé raya ka deungen tanoh crah rô meuhambô rugoe lam keunira meusampe 4,5 triliun pèng Rupiya.
Nyan njang ka na laporan èt uroe nyan, galom singöh, lusa, nakeuh akan meutamah-tamah lom pasti sabab galom abéh meudata ban mandum meuwab jaringan internet, jalan-jalan nyan ka abëh putôh ka deungön haba barô njang manteng galom béh trôk.
“Ulôn lakèe bak ban mandum geusyik ngön camat beusigra neudata, beugöt leungkap, ubé na korban neudata mandum. Data nyan pentëng that-that mangat mudah tatangani dan jeutt bagah tapeupuleh kelayi keuadaan nyoe ukeue,” neupetrang lé Wabup.
Ukeue singöh Wabup geunak ba moto alat brat nakeuh keu geunak peuhah jalan mangat leubèh mudah, mangat jeuet lagèe béyasa keulayi masyarakat geumeupubuetbuet.
Teuka keunan u teumpat nyan ubé na bantuan, nyoe keuh dali nyata nakeuh po peumerintah nyoe hana teuiem droe lam bhah peupuleh musibah raya njang ka lheueh trôk teuka ateueh bumoe Aceh nyoe.
Tr6ok langsông Waki Bupati keunan u Gampông Jambô Labu nyan jeuet keu saboh seumangat, saboh harapan barô bagi ban mandum warga njang na inan, nyang ka rap meusampé dua gö uroe peukan ka geumeujuwang lam keuadaan rata kureueng sigala macam hai, keu hai. []
Laporan: Maimunzir
Alih Basa Aceh: Syukri Isa Bluka Teubai
Editor: Thayeb Loh Angen