ACEH TIMU – Waki Bupati Aceh Timur T. Zainal Abidin, S.Pd.I., M.H ka meusigak meuteuntee geupeuhah buet keurija “Peutrang dan Duek Pakat Peukong Cara Keunalon Meugoe-Meukat dan Hak Asasi Manusia (HAM) keu ureueng na neuduek di lingka Popeurintah Kabupaten Aceh Timu, Rabu 8 Oktober 2025 / 17 Rabiul Akhir 1447 H.
Peukara nyoe nakeuh saban-saban geupubuet le Sekretariat Komnas HAM Aceh ngon Popeurintah Kabupaten Aceh Timu, di Balee Duek Pakat Sekretariat Daerah Kabupaten Aceh Timu.
Lam seunambot geuh, Waki Bupati T. Zainal geupeusampoe seumangat jroh tabek ngon teurimong gaseh keu Komnas HAM nyang ka geupileh Kabupaten Aceh Timu keu teumpat geupubuet buet peunteng nyoe. Droeneuh nyan neupeutrang bahwa buet peukong cara keunalon HAM di lingka ureueng nanggroe ngon lingka urueng meugoe-meukat nakeuh langkah nyang pah lam tapeulahe peuneugot nanggroe nyang ade ngon meuseumong siumu masa.
“Peukara bhah hak asasi manusia konkeuh tanggong jaweueb peureutee nyang ka meuteuntee sagai, tapi nakeuh tanggong jaweueb geutanyoe babandum. Popeurintah daerah na mah peunteng lam peupasti bahwa babandum peunutoh ngon buet tiep tumpok neuduek popeurintah beuna geupeurati yum-yum manusia,” geukheun le Waki Bupati.
“Buet nyoe peunteng that, nyang geukheuen sidroe peumimpin nakeuh kon ureueng nyang jeuet pubuet buet lagee tupoksi sagai, tapi ureueng nyang ek geupeurunoe geupandu bawa geupapah ban ube na ureueng di miyub geuh ngon cara nyang jroh ngon meuadab,” geukheun le Waki Bupati.
Ngon na keurija nyoe, geupeugah le Waki Bupati, Popeurintah Kabupaten Aceh Timu geupeuteunte haba peunutoh bahwa keubiet buet geupubuet peuneugot nanggroe di sinan, ngon sira nyan teutap geuyu jaga, geuyu papah ban Hak Asasi Manusia bak babandum Dinas, tumpok ureueng na mah lam popeurintah ngon babandum rakyat barollah.
Lam watee nyan sit, Sepriyadi Utama SH., Ulee perwakilan Komnas HAM Aceh, lam surah seunurat geuh geupeugah, bahwa buet nyoe nakeuh keu geupeukong neubuet popeurintah daerah lam geupeutamong yum-yum HAM lam tiep peunutoh keu rakyat, nyang mustahak keu nyang mesiliek langsong bak lingka rakyat barollah ngon lingka ureueng meugoe-meukat.
Keu tanda seumangat jroh tabek keu Popeurintah Aceh Timu, Ulee Sekretariat Komnas HAM Aceh, geujok bungong jaroe ukeue Popeurintah Aceh Timu nyang geuteurimong langsong le Waki Bupati Aceh Timu, T. Zainal Abidin, S.Pd.I., M.H.
Keurija acara nyan na sit geuikot le ube na Asisten Setdakab Aceh Timu, ube na Ulee Dinas di Aceh Timu, Kabag, ube na Kabid ngon ureueng na mah lam popeurintah Kabupaten Aceh Timu.[]
Laporan: Maimunzir.