ACEH TIMU – Waki Bupati Acèh Timu, T. Zainal Abidin S.Pd.I., M.H, ka geupeuphôn program Makan Bergizi Gratis (MBG) — Peunajôh Tamah Gizi (Makan Bergizi Gratis) nyang geupeugöt lé Yayasan Gerakan Gizi Indonesia Raya.
Acara nyan geupeujak buet di Dusun Kuta Rambong, Gampông Meunasah Lubok, Keucamatan Pante Bidari, Aceh Timu, bak uroe Seulanyan, 17 November 2025.
Lam pidato gopnyan, Waki Bupati nyan brat that geupeugah keu program MBG nyan yakni geuprogram lé Prèsidèn Prabowo Subianto nyang meukeusudgeuh beuséb gizi aneuk cuco bangsa mandum.
“Bak thôn 2025 kwartal 4, program bagi-bagi peunajôh nyoë beutrôk keu 82,9 juta droë aneuk miet sikula, mandum murîd sikula, aneuk manyak balita, ngön ureueng inöng meumè mandum beumeurumpok manfa’at. Nyoë nakeuh janji Bapak Prèsidèn Subianto watèë gopnyan pidato seubagoe calon prèsidèn, ngön program nyoë geupeujak buet (direalisasikan) watèë gopnyan ka na jabatan keu rakyat ban mandum, mangat na manfa’at keu mandum murîd man saboh Indônèsiya,” kheun Wabup T. Zainal.
Gobnyan geupeutrang lom bahwa peunajoh MBG nyoe geuharap that beugléh sabé dan beuteujaga mutu peundidékan ngön keusihatan aneuk cuco ureuëng Acèh Timu.
Geubagi Bungkôih Phôn keu Murîd Sikula
Oh lheueh peluncuran di Meunasah Lubok, Waki Bupati meusajan ngön Muspika Pante Bidari laju geusambong lom acara ngön geujôk pakèt phôn peunajoh tamah gizi (MBG) keu murîd-murîd di SMPN 1 Pante Bidari, Gampông Meunasah Teungoh.
Bagi-bagi MBG phôn nyoe meulangsông rumèh ngön nyum bahgiya. Peureuté murid deuh ju galak raya bak teurimöng peunajôh meugizi nyang geuharap ék peutamah teunaga meurunoe ngön peurayek badan awak nyan.
Lam watèe nyan, Waki Bupati geupakat ban mandum lapéh rakyat ngat beurôh sabé kawai buet nyoe mangat jeut geupeujak sampôreuna.
“Kamoe lakèe beuneudukông punoh lé ureung droeneuh ban mandum, lom bak TNI-Polri, lam kalön-kalön ngön bri pikéran sampoe buet nyoe jeuet tapeulaku ban nyang tahajat. Meunyoe na hai nyang kureueng pah bak geupubuet di anggèeta, kamoe harap bak ureueng droeneuh ban mandum beneulapor bak SPPI atawa instansi nyang meucawiek. Kabupatèn Aceh Timu sit ka meubeuntôk tim Satgas keu kalön-kalön ban mandum buet,” kheuen Waki Bupati.
- Zainal Abidin geupeuingat keu rakan nyang meutanggông jaweueb bak peuna peunajôh beugeupeupasti jroh idang nyang geubri keu murid, balita, ngön ureueng meumèe.
KSSP Yayasan Gerakan Gizi Indonesia Raya, Muhammad Ali Akbar, S.Pt, geupeugah bahwa MBG geupeutrôk keu 2.480 murid di Kecamatan Panté Bidari nyang meusipreuek lam meupadum sikula, nyakni SMPN 1 Panté Bidari 608 murid, SMPN 2 Panté Bidari 225 murid, MIN 7 Acèh Timu 504 murid, SDN Grông-Grông 152 murid, SDN 1 Lhôknibông 454 murid, SDN Matang Kruet 90 murid, SDN Panté Panah 210 murid, SDN Paya Deumam Dua 237 murid
Buet nyoe geuharap ék peujroh peuneutheuen gizi keu murid-murid di wilayah Panté Bidari, lom beujeut geubantu ureueng chik lam peupunoh nutrisi aneuk miet uroe keu siuroe.
Bak buet peusahèh MBG nyan na trôk Muspika Panté Bidari, Kepala Bank Acèh Pante Bidari, ureung malém, ureueng bakö, kepala sikula nyang teurimöng MBG, ngön le sit dum jamèe-jamèe laén lom.
Acara ka meuasé, deuk toe waki bupati ngön bandum hadirin, nyan jeuet keu watèe peunténg keu Acèh Timu lam dukông neubuet nasiyonal bak peutamah jroh ceunaröng ureueng ka nibak umu manyak kön.[]
Laporan: Maimunzir
Basa Acèh: M. Iqbal Hafidh
Èditor: Thayeb Lôh Angèn.