Jan Musém Meugantoe
Lé: Thayéb Lôh Angèn
Penyair dari Sumatra
Jan musém meugantoe
lam rangoe lônkalön ho laén
ban lônpaléng lom u nanggroe
rata sagoe ka santéng
Bah pih seumangat na mantöng
musém nyan ka leupah
han lé ban saboh jan meuriwang
meusayang keu rakyat barôllah
Musém han lé meugisa
masa han lé meuwoe
nyang jeuet tailah daya
ubé na lam qanun nanggroe
Bah pih tan lé padang luwah
nakeuh blang meuduwa mah
seumula meudo’a bak Allah
neubi Acèh meuwoe lom maruwah.
Banda Aceh, 15 Agustus 2026/2 Rabiul Awal 1448 H.
